A Escola Secundária Cacilhas-Tejo de Almada e o IES San Clemente inician a súa colaboración no marco dos proxectos europeos, establecendo puntos de partida nas mobilidades Erasmus+ entre ambos centros.

Nesta ocasión, no mes de outubro o profesor da ESCT, Pedro Pereira, visitou o IES San Clemente co obxectivo observar novas metodoloxías de ensino, coordinar a realización de prácticas formativas no marco de proxectos Erasmus+ e estreitar as relacións entre ambas escolas.

En xaneiro está previsto realizar mobilidades de alumnado entre ambas escolas, mentres que nos meses de xuño e xullo dous estudantes do ciclo de Xestión e Programación de Sistemas Informáticos desta escola portuguesa levarán a cabo as súas prácticas formativas na empresa Plexus, do sector informático, situada en Santiago de Compostela

Foi un privilexio ter a oportunidade de recibir o profesor Pedro Pereira persoalmente, o que nos permitiu intercambiar ideas e acercar un pouco máis as nosas institucións académicas.