Durante o presente ano escolar, no IES San Clemente realizáronse os seguintes proxectos europeos:

Mobilidades Erasmus+ KA102 e KA103 para a realización de prácticas no estranxeiro:

• Ciclo Medio, 14 mobilidades: 6 de FCTs, 2 de recén titulados e 6 extra curriculares, todas en Portugal (Lisboa, Porto e Covilhã) excepto unha, en Edimburgo (Escocia). Todas con bolsa Erasmus+ KA102 2016.

• Ciclos Superiores, 12 mobilidades: 5 de FCTs (Dublín, Londres, Porto e Lisboa), 2 de recén titulados (Porto e Lisboa) e 5 extra curriculares (Porto e Dublín). Todas con bolsa Erasmus+ KA103 2016, excepto unha (auto financiamento).

 

Incoming mobilities:

• 4 mobilidades: Un alumno e tres alumnas do INETE de Lisboa (Portugal), de Informática, Contabilidade e Óptica.

 

Job shadowing:

• 3 mobilidades saíntes: 2 do profesor Víctor Fernández Albor aos centros de ensino Coláiste Dhúlaigh College of Further Education (Dublín, Irlanda) e Agrupamento de Escolas da Batalha (A Batalha, Portugal). 1 do profesor Marcos Vence á ETAP de Viana do Castelo (Portugal).

• 2 mobilidades entrantes dos profesores Giuseppe Varalda e Mauro Bogliaccino do ITS – ICT Piemonte (Turín).

 

Bolsas concedidas pola Administración para o próximo ano escolar:

• Ciclo Medio: 12 para prácticas + 2 bolsas de estudos + 1 job shadowing.

• Ciclos Superiores: 16 para prácticas + 1 job shadowing.

 

Criterios de selección:

• Actualización dos criterios de selección para prácticas extra curriculares.

 

Carta Erasmus de FP:

• Actualización do Plan de modernización e internacionalización do centro coa redacción deste Anexo.

• Solicitude e concesión da Carta Erasmus de FP.

• Revalidación e creación de acordos de colaboración con varios centros de ensino europeos: INETE de Lisboa, KBS de Nordhorn, ETAP de Viana do Castelo, ICT Piemonte de Turín e Lycée Louis Blériot de Trappes.

 

Proxectos eTwinning:

• 11 profesores e profesoras, xunto con 1 auxiliar de conversa e o alumnado de SMR e ASIR participamos nun total de 7 proxectos eTwinning: Pek en Babel, Christmas Cards Exchange, Letras Galegas 2017, AtlânticoVET 2016, Green Spots in Town, Um parafuso a menos e Um tripé para o meu e-book.

• Durante este ano, recibimos 1 Selo de Calidade Nacional polo proxecto AtlânticoVET e 3 Selos de Calidade Europeos polos proxectos Pek, a Pulga Viaxeira Flea #4, Two Island Inspire e GaliMinho – Oficina de hardware. Este último proxecto tamén gañou un premio nacional en Portugal.

• Colaboración coa Embaixada eTwinning Galicia coa edición da guía Proxetos eTwinning Galiza-Portugal en galego e co Ministério da Educação de Portugal para a publicación da versión en portugués.