Certifica o teu nivel!
O IES San Clemente organiza probas de certificación oficiais de Inglés e Portugués, coa axuda económica da Consellaría de Educación e do propio instituto.
O alumnado do IES San Clemente pode solicitar unha axuda económica para o pago (total ou parcial) das taxas de inscrición nos exames de certificación.
Informaremos por correo interno tanto dos prazos de solicitude como do proceso posterior.
English
A proba realízase nas instalacións do Piccadilly English in Motion: Certificado Oxford de inglés para a obtención dos niveis B1, B2 ou C1:
- Alumnado de 2º con axuda económica da Xunta: inscrición e pago centralizado desde o IES.
- Resto de alumnado: inscrición individual e pago directo. Reembolso do IES: 50 euros.
Como alternativa, pódese solicitar a axuda para realizar a proba libre nunha EOI:
- Alumnado de 2º con axuda económica da Xunta: inscrición individual e pago directo. Reembolso do IES: contía íntegra.
- Resto de alumnado: inscrición individual e pago directo. Reembolso do IES: 50 euros.
Português
O exame realízase no CAPLE, na sede da Academia Lorca ou na Facultade de Filoloxía da USC. O alumnado Erasmus+ tamén pode realizar a mesma proba na cidade de destino, tipicamente Lisboa ou Porto.
- Alumnado de 2º con axuda económica da Xunta: inscrición e pago centralizado desde o IES.
- Resto de alumnado: inscrición individual e pago directo. Reembolso do IES: 50 euros.
Como alternativa, pódese solicitar a axuda para realizar a proba libre nunha EOI.
- Alumnado de 2º con axuda económica da Xunta: inscrición individual e pago directo. Reembolso do IES: contía íntegra.
- Resto de alumnado: inscrición individual e pago directo. Reembolso do IES: 50 euros.
Testes modelo do CAPLE e das EOI
Tamén realizamos nas instalacións do IES o exame “Camões Júnior” para menores de idade e ANEAE.
- Todos os casos: inscrición e pago centralizado desde o IES.
EU Academy
Este portal da Unión Europea ofrece probas de nivel e cursos online gratuítos que poden ser útiles para preparar os exames de certificación, para iniciarse nunha lingua estranxeira, antes dunha mobilidade Erasmus+, etc. Atención, se aínda non tes conta UE, créaa usando o teu email persoal, non empregues o do IES.
- Tests de nivel para todos os idiomas – Test de Portugués – Test de Inglés
- Cursos OLS para Erasmus+
- Cursos OLS abertos para todo o público – Usa os filtros adecuados: Nivel, Lingua, Curriculo, etc.
Solicitude de transferencia
Se tes dereito ao aboamento das taxas da EOI(*), copago ou noutro caso excepcional, podes solicitar a transferencia cubrindo este formulario despois de realizar o exame, cando teñas os resultados.
Formulario para o alumnado 25/26
Máis información
plurifp@iessanclemente.net
(*) inclúe os gastos de expedición do título, se é o caso.
