O Equipo de Dinamización da Lingua Galega do IES San Clemente de Santiago de Compostela convoca o 9º CERTAME DE RELATO BREVE,
cuxas BASES, DE OBRIGADO CUMPRIMENTO, son:
- Poderán participar todos os membros da comunidade educativa (alumnado, profesorado e PAS).
- De temática libre, os traballos deberán ser orixinais e inéditos, e, por suposto, estar escritos en galego.
- A extensión máxima do relato é de 300 palabras, non habendo unha extensión mínima.
- Ditos relatos breves, en formato odt, doc ou docx, deberán enviarse por correo electrónico ao enderezo edlg@iessanclemente.net, indicando o título da composición e datos persoais dos/das participantes.
- O PRAZO DE ADMISIÓN DAS PROPOSTAS REMATARÁ O 11 DE MARZO DE 2024 ÁS 23:59 HORAS.
- Haberá un primeiro premio por valor de 100 €, un segundo de 75 € e un terceiro de 50 €, todos eles para cambiar por material informático, de papelería ou libros. E, ademais, acumulables no caso de xa ter gañado algún outro concurso ou certame do centro, ou chegar a facelo nun futuro.
- O xurado estará composto por persoas relacionadas co mundo do ensino e da literatura e poderá incluír membros externos ao centro.
- Por último, a participación no concurso supón a aceptación destas bases.
Así que tendo en conta todo o exposto, mans á obra!!! Devecemos por ler as vosas propostas.
