Os exames finais extraordinarios do bacharelato a distancia do IES San Clemente, celebraranse de xeito presencial os días 1 e 2 de setembro.

• Terán lugar no IES San Clemente e nas EPA de A Coruña, Lugo, Ourense, Pontevedra, Vigo e Ferrol.
• Durante a realización dos exames apricarase o seguinte protocolo, que deberá ser coñecido por todo o alumnado.
• Para a asistencia ao exame será obrigatorio que o alumnado realice previamente a enquisa de autoavaliación clínica e leve consigo e entregue o mesmo día do exame a seguinte declaración responsable debidamente cumprimentada e asinada. Non se permitirá a entrada ao exame ao alumnado que non a entregue.
• Aquel alumnado que estea infectado ou illado como consecuencia da COVID-19, poderá solicitar a realización de exames por videochamada en data e hora a concretar polo profesorado responsable de cada ámbito. Esta solicitude deberá realizarse antes do mércores 1 mediante correo dirixido á xefatura de estudos a través da aula virtual, e será atendido únicamente naqueles casos que foron previamente reportados ao equipo COVID do IES San Clemente e acompañen algún informe que acredite a súa situación (tal e como se indica no punto 7 do Plan de adaptación COVID-19 do centro, todas as comunicacións co equipo COVID levaranse a cabo por correo electrónico ao enderezo covid@iessanclemente.net e/ou por teléfono no número 881 867 501). Para poder facer estes exames, o alumno ou alumna deberá dispor dun ordenador con conexión a Internet e cámara web.
• As cualificación publicaranse o luns 6 antes das 14h.

Os horarios dos exames serán os mesmos que durante o curso. Os do primeiro día terán lugar o mércores 1, e os do segundo día o xoves 2.

O alumnado que teña coincidencia de dúas ou más materias á mesma hora, debe comunicar esta circunstancia no primeiro exame do día ao profesorado que examina.