A CIRCULAR Nº2/2021 da Dirección Xeral de Educación, Formación Profesional e Innovación Educativa pola que se precisan aspectos da ORDE do 2 de marzo de 2021, establece o procedemento que cómpre seguir nas reclamacións das cualificacións outorgadas no segundo curso do Bacharelato, según o establecido na Lei Orgánica 2/2006, do 3 de maio de Educación.
Esta circular establece entre outros os prazos para as revisóns de materias de 2º de bacharelato e de materias pendentes de 1º, polo que se modifica neste aspecto o calendario publicado ao comezo do curso, de acordo co seguinte procedemento:
1. As cualificacións finais de segundo de bacharelato e de materias pendentes de 1º de bacharelato publicaranse na aula virtual das ensinanzas, aulavirtual.iessanclemente.net, o día 18 de maio ás 14.00 horas.
2. O alumnado que considere que non foi avaliado obxectivamente poderá reclamar ante o profesorado da materia correspondente, preferentemente de xeito telefónico ou telemático, os días 18 e 19 de maio.
3. O alumnado que non estea conforme coas explicacións do profesorado poderá presentar reclamación sobre a súa cualificación, dirixida á dirección, os días 19 e 20 de maio de 9h a 14h. A instancia pódese descargar AQUÍ ou solicitala na oficina do centro.
4. O alumnado que solicite a revisión deberá ter o seu móbil operativo de 13:00 a 14:00 horas do día 21 de maio para recibir a chamada da directora notificándolle a resolución correspondente.
5. A directora, na súa chamada, informaralle ao alumnado afectado que se non está conforme coa resolución do Departamento, poderá presentar reclamación ante a Xefatura Territorial ata as 14:00 horas do día 25 de maio. A instancia pódese descargar AQUÍ ou solicitala na oficina do centro.
Nota importante: as solicitudes de reclamación deberán conter cantas alegacións xustifiquen a desconformidade coa cualificación final ou coa decisión adoptada.
Santiago de Compostela, 11 de maio de 2021
