Os exames de Bacharelato de materias de 1º BAC (convocatoria Final Extraordinaria: (16 e 18 de xuño) terán lugar de xeito presencial no IES San Clemente e nos centros EPA de A Coruña, Ferrol, Lugo, Ourense, Pontevedra e Vigo, así como no IES Monte Castelo de Burela. A estes últimos exames poderá presentarse o alumnado de 1º Bacharelato e só o alumnado do grupo de 2º Bacharelato Non PAU.

O alumnado que teña coincidencias de exames na mesma sesión avisará ao profesorado do San Clemente ao chegar e poderá dispoñer de máis tempo. O alumnado deberá coñecer e cumprir o Protocolo dos exames das ensinanzas a Distancia do IES San Clemente.

No cumprimento da Instrución 2/2025, da Dirección Xeral de Ordenación e Innovación Educativa, concrétanse prazos e aspectos do procedemento para as reclamacións finais no 1º curso de bacharelato para o curso 2024/25:

• As cualificacións finais publicaranse na aula virtual das ensinanzas, https://alumnado.iessanclemente.net/, o día 23 de xuño antes das 15.00 horas.
• O alumnado que considere que non foi avaliado obxectivamente poderá reclamar ante o profesorado da materia correspondente, preferentemente de xeito telefónico ou telemático, os días 23 e 24 de xuño.
• O alumnado que non estea conforme coas explicacións do profesorado poderá presentar reclamación sobre a súa cualificación, dirixida á dirección, os días 25 e 26 de xuño en horario de oficina de 9h a 14h. A instancia pódese descargar AQUÍ ou solicitala na oficina do centro.
• O alumnado que solicite a revisión será informado da resolución correspondente antes das 14:00 horas do día 27 de xuño, preferentemente, a través do correo eléctrónico indicado polo alumnado na reclamación.
• O alumnado que non estea conforme coa resolución do Departamento poderá presentar reclamación ante a Xefatura Territorial os días 27 e 30 de xuño en horario de 9 a 14h. A instancia pódese descargar AQUÍ ou solicitala na oficina do centro.

Nota importante: as solicitudes de reclamación deberán conter cantas alegacións xustifiquen a desconformidade coa cualificación final ou coa decisión adoptada.