Organizada polo departamento de Formación e orientación laboral, o xoves 9 de novembro, celebrouse no IES San Clemente unha xornada de Primeiros Auxilios, con charlas impartidas por membros de Protección Civil de Santiago de Compostela.

Durante as mesmas o alumnado dos ciclos de ASIR, DAW, DAM e SMR realizou prácticas dos seguintes contidos:

• Reanimación cardio-pulmonar (en adultos e bebés).
• Manobra de Heimlich.
• Posición lateral de seguridade.
• Uso do desfibrilador semiautomático (DESA).

O noso agradecemento a Rober e a Belén pola súa dedicación e bo facer, e pola súa paciencia e simpatía!

E lembrade, os primeiros auxilios salvan vidas!