Exames 1ª Avaliación Bacharelato a Distancia novembro

Os exames da 1ª Avaliación do Bacharelato a Distancia do IES San Clemente celebraranse de xeito presencial os días 10 e 12 de novembro (2º Bacharelato) e os días 23 e 25 de novembro  (1º Bacharelato).

Terán lugar no IES San Clemente e nos centros EPA de A Coruña, Ferrol, Lugo, Ourense, Pontevedra e Vigo, e no IES Monte Castelo de Burela.

O alumnado que teña coincidencias de exames na mesma sesión avisará ao profesorado do San Clemente ao chegar e poderá dispoñer de máis tempo.

O alumnado deberá coñecer e cumprir o Protocolo dos exames das ensinanzas a Distancia do IES San Clemente. Hai novedades moi importantes, por exemplo: “O alumnado non poderá acceder á aula portando obxectos metálicos de ningún tipo (incluíndo, de xeito enunciativo pero non limitativo: teléfonos móbiles, reloxos intelixentes ou analóxicos, pendentes e xoias voluminosas, pulseiras, dispositivos de almacenamento dixital, chaveiros ou calquera dispositivo electrónico“). Convén que o leades con atención.

O alumnado deberá levar o seu DNI/NIE ou pasaporte aos exames e poderá pedir xustificante de asistencia ao profesorado do San Clemente.

Os horarios dos exames, datas de publicación das notas e revisións de exames pódense consultar nas seguintes ligazóns: Calendario 2º Bacharelato  e Calendario 1º Bacharelato.

As cualificacións poderán consultarse entrando en https://alumnado.iessanclemente.net/

A revisión de exames será preferentemente telefónica ou telemática no horario de atención do profesorado nas Aulas virtuais. O alumnado que poderá pedir a copia do exame enviando ao profesorado a través da aula virtual a solicitude de copia de exame debidamente cuberta e asinada e o seu DNI, NIE ou pasaporte escaneado.