No marco do Programa Campus de Emprendementos Inspiradores, o martes 25 de outubro 15 alumnas e alumnos do módulo de EIE do IES San Clemente realizaron unha visita didáctica a 3 empresas punteiras da nosa cidade, tendo a oportunidade de entrar en contacto coas persoas directivas e empregadas das mesmas, que nos falaron sobre a súa actividade, a súa visión do negocio, a súa política de recursos humanos e posibilidades de emprego, a súa concepción da actividade emprendedora e un longo etcétera.

Desde o centro expresamos o noso agradecemento ás empresas colaboradoras (Inforhouse, Mestrelab Research e Dinahosting), ao Concello de Santiago de Compostela, financiador da actividade, e á súa organizadora Fátima Rodríguez, de Promove Consulting.