O IES San Clemente celebra a creatividade do seu alumnado anunciando o deseño vencedor do concurso O galego fainos fortes. Entre todas as propostas presentadas, o xurado escolleu un logotipo que resume á perfección a forza, a identidade e a modernidade que queremos transmitir. O autor é Martín Senín Cotón, alumno de 1º de DAW A. Ademais, recoñeceuse cun accésit o traballo presentado polo estudante Andrés Rodríguez Vázquez, de 2º DAM.Por que este deseño é especial?
O logotipo gañador reinventa a triqueta celta, símbolo da unión entre pasado, presente e futuro, para lembrar a loita histórica pola nosa lingua. A forma circular evoca os escudos celtas, asociados á defensa e á comunidade, mensaxe que conecta directamente co lema: “O galego fainos fortes”.
As cores —azul, vermello e branco— inspíranse na bandeira estreleira, símbolo de orgullo e reivindicación, representando a diversidade e a enerxía dun pobo que mantén viva a súa lingua.
Este deseño será a imaxe oficial do proxecto e estará presente en campañas, materiais e eventos do IES San Clemente ao longo de todo este curso.
Desde o Equipo de Dinamización da Lingua Galega enviamos os parabéns aos gañadores e grazas a todas as persoas participantes por demostrar a forza da creatividade en galego!
