O Obradoiro da Igualdade foi creado no ano 2010 pola profesora Guillermina Domínguez Touriño, quen estivo á súa fronte durante nove anos. Neste tempo publicou máis de 180 artigos, accesibles no apartado Blogue. Desde aquí manifestamos o noso agradecemento e admiración.

En 2019, as profesoras Raquel Tarrío Vázquez, Cristina Puga Fernández e Isabel López Otero encargarémonos de continuar esta labor. Formamos un equipo interdisciplinar que ten como obxectivo a promoción da igualdade a todos os niveis, dentro e fóra do ámbito escolar.

Para conseguilo, temos pensado dinamizar actividades realizadas por e para o alumnado do noso centro, sendo a nosa primeira acción, a solicitude de participación no Plan Proxecta, Donas de si e Por 365 días de respecto e igualdade.

Se queres colaborar connosco, escríbenos a igualdade@iessanclemente.net