• ?
  • Rexistro

Exames B1 de Portugués – marzo 2017

CAPLE

Na semana de exames de marzo de 2017, realizamos a segunda proba modelo de nivel B1 do CAPLE, da Universidade de Lisboa, ao alumnado de módulos bilingües en portugués (SOR de SMR e FH de ASIR), con resultados semellantes aos de decembro.

Un total de 28 van realizar os exames oficiais en maio, no Instituto Camões de Vigo. Ademais, varios Erasmus+ (previsiblemente, catro) realizaranos en Lisboa ou Porto.

Por outra parte, o alumnado de 1SMR fixo dous tests de comprensión oral e escrita de nivel A2 que serviron de avaliación inicial. Oito alumnos están recibindo clases de Portugués para optar ás bolsas para prácticas de verán, pero o resto do grupo non conta con preparación previa e, mesmo así, aprobou o 70%.

O noso agradecemento aos profesores Anxo Rajó, Antom Labranha e Ana G. Novoa, que colaboraron na realización destas probas modelo.