Fronte ás 76 mulleres asasinadas polas súas parellas ou ex parellas en 2008, este ano a cifra reduciuse a 55, un 27,6% menos

Na maioría dos casos (74,5%) non había denuncia previa. A ministra de Igualdade insiste: “a denuncia protexe”

Tras a entrada en vigor do Plan de Atención e Prevención da Violencia de Xénero en poboación inmigrante, o número de mulleres estranxeiras mortas reduciuse un 7,2%

A taxa media de homicidios redúcese un 8,3% respecto ao período anterior á entrada en vigor da Lei integral

2009 rexistrou un incremento das medidas de teleprotección dun 11,6% respecto de 2008, así como a instalación de 167 novos dispositivos GPS de control das medidas de afastamento

En xaneiro e novembro non se produciron vítimas mortais