Nos meses de xaneiro e febreiro de 2026 levouse a cabo un intercambio de estudantes, no marco do programa Erasmus+, entre o IES San Clemente e a Escola Secundária Cacilhas-Tejo.

Nesta mobilidade participaron dous estudantes galegos do 1º curso de SMR e dous estudantes portugueses do 12º ano do curso profesional de Xestión e Programación de Sistemas Informáticos, os cales se integraron nas escolas asistindo a aulas de compoñente técnica teóricas e prácticas.

Este tipo de experiencias son moi enriquecedoras para as escolas participantes, pois contribúen a mellorar as habilidades técnicas, lingüísticas e sociais dos alumnos participantes, así como a competencia intercultural de todo o grupo no que se integran.

Continuamos deste xeito a desenvolver a recente colaboración entre as dúas escolas, que terá continuidade no mes de xuño con dous novos alumnos portugueses que realizarán as súas prácticas formativas na empresa Plexus.