Querida Doña Elena
Nunha masía dos arredores de Barcelona, atopouse o arquivo de cartas do consultorio sentimental feminino máis popular da historia da radio española. Centenares de cartas de oíntes que buscaban consello no Consultorio de Elena Francis a través das ondas, así como as súas correspondentes respostas, foron analizadas e seleccionadas para elaborar este documental.
Documental que presenta un mundo de segredos no que se expuñan simples problemas estéticos pero tamén angustiosos dramas humanos, con relatos de amores prohibidos, dramáticas confesións de violencia doméstica, abusos, embarazos non desexados e, ata, algún delito xamais contado.
Cunha factura impecable, na que ten moita presenza a banda sonora composta por coñecidas músicas da época e as imaxes provenientes de arquivos internacionais, do Non-Do e da Filmoteca de Cataluña, o documental realiza un retrato por un país sumido na posguerra, o medo e a represión.